Department Of Marathi

मराठी विभाग

 आबासाहेब गरवारे महाविद्यालयाच्या  मराठी विभागाची स्थापना १९४८ मध्ये झाली. अखिल भारतीय साहित्य संमेलनाचे अध्यक्ष  सुप्रसिद्ध साहित्यिक, समीक्षक  श्री.के.क्षीरसागर मराठी विभागाचे पहिले विभाग प्रमुख होते.मराठी साहित्य समीक्षा क्षेत्रातील दिग्गज मराठी विभागप्रमुखांची परंपरा या विभागाला लाभलेली आहे.
*मराठी विभागामध्ये  कवयित्री प्रा.डॉ. वर्षा स. तोडमल या मराठी विभागप्रमुख आहेत.
प्रा. मनोज तेलोरे आणि प्रा. विशाखा हेंद्रे हे दोघे तासिका तत्त्वावरती कार्यरत आहेत.  तर कनिष्ठ महाविद्यालयांमध्ये  प्रा. डॉ. जयश्री दाते आणि डॉ.पांडुरंग कंद  हे पूर्णवेळ कार्यरत आहेत.

* महाविद्यालयाचा मराठी विभाग ७३ वर्षे जुना आहे.
* प्रथम वर्ष ते तृतीय वर्षापर्यंत मराठीच्या एकूण १० अभ्यासपत्रिकांचे अध्यापन केले जाते.
* मराठी विभागाने आतापर्यंत विविध विषयांवरील कार्यशाळा,चर्चासत्र,कार्यक्रमांचे आयोजन केले आहे.
* विभागातील शिक्षक आणि विद्यार्थी यांमध्ये खेळीमेळीचे वातावरण.
* विभागात विद्यार्थी संख्या समाधानकारक आहे.
* विभागातील अनेक माजी विद्यार्थी पत्रकारिता,नाटक,चित्रपट,शिक्षण,साहित्य क्षेत्रात झळकत आहेत.

About the Subject

* मराठी साहित्य या विषयामुळे विद्यार्थ्यांमध्ये 'साहित्यिक ज्ञानक्षमता' निर्माण होते.
* विद्यार्थ्यांची वैचारिक, सामाजिक जाणीव प्रगल्भ होते.
* महाराष्ट्र लोकसेवा आयोग (M.P.U.S.C) आणि केंद्रीय लोकसेवा आयोग (U.P.S.C) या स्पर्धा परिक्षांमध्ये मराठी विषयाची १०० गुणांच्या अभ्यासपत्रिकेची पूर्ण तयारी मराठी साहित्य या विषयामुळे होते.
* मराठी साहित्य या विषयामुळे भाषांतर,मुद्रितशोधन,पत्रकारिता ( प्रिंट आणि इलेक्ट्राॅनिक मिडिया) ,सूत्रसंचालन,जाहिरातलेखन ,पटकथा,संवादलेखन, वृत्तनिवेदन,जनसंपर्क इत्यादी क्षेत्रात कार्य करण्याची संधी.
*नाटक,चित्रपट,लोककला,लोकसाहित्य,भाषाशास्त्र,बोली भाषा , साहित्य इ. क्षेत्रात संशोधन आणि कार्य करण्याची संधी.
भाषेतील प्रकाशाचा अनुभव उपनिषद्कारांनी  वर्णन केला आहे तसाच संत ज्ञानेश्वरांनीही तो अनुभव वेगळ्या प्रकारे वर्णन केला आहे.
ते लिहितात :
"जैसे बिंब तरी बचकेंएवढें|  परी प्रकाशा त्रेलोक्य थोकडें ||
शब्दांची व्याप्ती तेणें पाडे|  अनुभवावी||"(ज्ञानेश्वरी: अध्याय ४,ओवी २१५)
या ओळीतील  दृष्टांतातून ज्ञानेश्वरांनी भाषेतील  प्रकाशतत्वाचे  सूचन  केले आहे. तेव्हा सध्याच्या स्थित्यंतरातून जाताना  भाषेच्या अंगचा अमीट प्रकाश आपल्याला दिशा देईल असा दृढ विश्वास बाळगूया.
माऊली असेही म्हणतात,माझ्या मराठी भाषेचे मोठेपण मी काय सांगू?
माझा मराठाचि बोलु कौतुके।परि अमृतातेही पैजा  जिंके।ऐसी अक्षरे रसिके।मेळवीन।। ज्ञाने. ६/१४
अमृतालाही पैजेनी जिंकणारी अक्षरे, अशी अमृत भाषा मराठी.
भाषा ही व्यक्तीसाठी भावजीवनाची अस्तर आहे आणि समाजासाठी संस्कृतीची वाहक आहे. अशी ही मराठी भाषा मुळात सर्वस्पर्शी आहे.
मराठी ही महाराष्ट्राची लोकभाषा, मातृभाषा व एकमेकांशी संवाद करण्याची भाषा म्हणून निदान सातशे वर्षे सातत्याने वापरात आहे. आपण ज्या भाषेत जन्मतो, वाढतो ती भाषा आपल्या आयुष्याचा एक अविभाज्य भाग असते.मराठी भाषा भारतातील प्राचीन भाषांपैकी एक असून महाराष्ट्री प्राकृतचे आधुनिक रूप आहे.
उत्तमोत्तम मौलिक आणि प्राचीन ग्रंथ आणि संदर्भ ग्रंथ विभागात आहेत.
Student Capacity

Class	Intake
F.Y. B. A.	360
S.Y.B.A.(Special)	30
S.Y.B.A.(General)	120
T.Y.B.A.(Special)	30
T.Y.B.A.(General)	120
M.A.(II)	22

Infrastructure facilities in the Department of Marathi are as follows: Following equipments are avaliable 1) Computer 2) Printer 3) Internet facility is also available.